Një frazë e dallueshme e bëri Kryeministrin Rama të zbulonte veten si qendra e vëmendjes, krah uljes poshtë e më poshtë me argumentin se shqiptarët kanë mendësinë se janë “kërthiza e botës”. Çdo komb që e vlerëson veten pra të kuptojmë këtu vetëmburrja dhe kulti i individit, ishte ajo që gjatë 90 minutave në Kuvendin e Shqipërisë kryeministri nxorri togëfjalëshin e “Skakierës Gjeopolitike”. Shumë lajme dhe analiza u morën me problematikën e fjalimit duke e ngritur apo e ulur atë rreth mënyrës së tyre se si kjo dalje e munguar në publik, si ishte korrnizuar ky fjalim dhe sa ngjyrime i dha Kuvendit të mbledhur mbi Rezolutën e Kosovës.
UGSHPD (Unioni i Gazetarëve Shqiptarë Profesionistë të Diasporës), e sheh këtë dalje në Kuvendin e Shqipërisë si një moment me rëndësi ku dialogu dhe transparenca kanë degraduar dhe se fakti është që një 90 minutësh kthehet fund e krye si një sinjal i dhunës verbale për të pranishmit dhe publikun. Një imponim 90 minutësh pasi deputetët ishin mbledhur aty për kombin, për Kosovën dhe jo për të dëgjuar justifikime pa fund. Aty u thanë dhjetëra detaje se si AI (jo akronimi i Inteligjencës Artificiale), por Kryeministri i Shqipërisë përpiqet dhe shqiptarët apo dhe mbarë hapësira shqiptare nuk arrijnë ta kuptojnë “liderin global” që lufton për paqen me përçarjen që po i bën popullit të vet. Por le të mbetemi tek “SKAKIERA GJEOPOLITIKE”, Fraza “pikante” dhe ndoshta lentja për ta parë qartë lojtarin diplomatik Rama, me gurë të bardhë apo të zi i përfaqësuar, kjo pak rëndësi ka. I rëndësishëm në këtë rast ishte mendimi dhe rradha e lëvizjes.
E ndërsa në Lojën e Shahut mund të mendohet për 30 minuta, ku parashikohen lëvizjet dhe me strategji synohet fitorja, Ramës ju deshën 18 ditë.
Përse ky shpërthim pas kësaj vonese?
Është përsëri tërheqja e vëmendjes ashtu sikurse dhe më poshtë një shtjellim i plotë ku nuk i gjen fjalët Kosovë dhe shqiptar dhe kjo në një seancë kur pritet të votohet një rezolutë.
“Ju, ose do votoni rezolutën tonë, atë të thjeshtën fare, e cila nuk i drejtohet planetit, e cila nuk niset nga prezumimi që ne jemi kërthiza e botës dhe gjitha bota duhet të lexojë rezolutën e Kuvendit tonë, por i drejtohet njerëzve, i drejtohet institucioneve tona, këtej dhe andej kufirit. Ose, pastaj ato rezolutat tuaja, mund t’i votoni në asambletë e shtatë partive tuaja dhe pastaj kur të gjeni vulën, mund edhe të vulosni atë që do bini dakord dhe duke bërtitur nga shtatë penxheret, “poshtë tradhtarët e kombit, vdekje vëllait të Vuçiçit”, iu drejtua Rama deputetëve të opozitës, gjatë mocionit me debat në Kuvend. (sipas ATSH-së).
Përse flisni “andej dhe këndej bjeshkëve”, kur dihet se kemi dy shtete shqiptare dhe kufij në të cilat jeton një komb.
“Ballkani i Hapur” ka rënë Zoti Kryeministër, “Skakiera Gjeopolitike”, duhet t’ju kërkojë një diplomaci ndryshe për mbarë hapësirën shqiptare. Dhuna verbale 90-të minutëshe e ushtruar, e humbi kuptimin pasi ishit juve vetë që u larguat dhe nuk e votuat rezolutën. E sa për 90-të minutëshin, më 12 Tetor, Shqipëria kishte edhe në fushën e blertë një tjetër përgjigje për ju. Ajo i dha shqiptarëve një emocion sportiv, një dashuri unike për të thirrur për kombin, atë që juve si spektator e keni ndier dhe e keni përjetuar për ta kuptuar më thellë, se kur shqiptarët janë bashkë mund t’i gëzojnë dhe shijojnë fitoret.
13 Tetor, 2023
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
Union des Journalistes Professionells Albaniase de la Diaspora (UJPAD)
Unione dei Giornalisti Professionisti Albanesi della Diaspora (UGPAD)